བོད་པའི་བྱིས་སྒྲུང

བོད་པའི་བྱིས་སྒྲུང་དྲྭ་ཚིགས་འདིའི་དམིགས་ཡུལ་ནི། རང་རེའི་སྤྱི་ཚོགས་ཁྲོད་ཀྱི་དགེ་རྒན་དང་ཕ་མ་ཚོར་ཀྱི་བོད་ཀྱི་ཁ་སྐད་ཁག་དང་སྐད་ཡིག་གཞན་ཀྱི་ཐད་སློབ་གསོའི་ཆ་རྐྱེན་ཞིག་ཡོང་རྒྱུ་དེ་ཡིན། དྲྭ་ཚིགས་འདིར་ཨཱ་ཕྲི་ཀའི་བྱིས་སྒྲུང་ཞེས་པའི་དྲྭ་སྟེགས་ནས་སྒྲུང་བཞི་བཅུ་དེ་དགཀྱི་བོད་པའི་ཁ་སྐད་ཆེ་ཁག་གསུམ་དང་དབུས་སྐད། ་ནང་དུའང་བསྒྱུར་ཡོད། སློབ་གྲྭར་དབུས་སྐད་ནང་བཀླགས་པའི་བྱིས་སྒྲུང་འདི་དག་ནི། ཕ་མ་དང་སློབ་མ་རྣམས་ནས་རང་ཉིད་ཀྱི་ཁྱིམ་དུའང་ཀློག་ཐུབ་པས། བོད་པའི་བྱིས་སྒྲུང་གིས་བྱིས་པར་རང་གི་ཕ་སྐད་དེ་སྐད་དང་ཡིག་གེ་གཉིས་ཀྱི་ཐོག་རྒྱུད་འཛིན་ཡོང་བར་ཕན་ལ། སྒྲ་འཇུག་མཐུན་རྐྱེན་དེས་ནི་སྐད་ཡིག་སྦྱོང་མཁན་གྱི་ལས་དང་པོ་བ་ཞིག་ལ་མཚོན་ན། སྒྲ་གདངས་ཙམ་མ་ཡིན་པར་རང་གི་བློ་ངོར་ཡིག་གཟུགས་ཀྱང་བློ་ལ་ངེས་པར་ཕན།

སྒྲུང་གི་འབྱུང་ཁུངས།

བོད་པའི་བྱིས་སྒྲུང་ནང་གི་སྒྲུང་བཞི་བཅུ་འདི་དག་ནི་ ཨཱ་ཕྲི་ཀའི་བྱིས་སྒྲུང་ ་ཞེས་པའི་དྲྭ་སྟེགས་ནས་བོད་ཡིག་ནང་དུ་བསྒྱུར། འདི་ནི་ལྷོ་ཨཱ་ཕྲི་ཀཱའི་རྒྱལ་ཁབ་ནང་དུ་ཡོད་པའི་[སཱ་ཡིཌ]་ཟེར་པའི་ཚོགས་པ་དེས་ཨཱ་ཕྲི་ཀཱའི་བྱིས་པའི་ཁྲོད་འབྲི་ཀློག་གི་ཤེས་ཡོན་དར་སྤེལ་གཏོང་པའི་ལས་འགུལ་གནད་འགག་ཅན་ཞིག་ཡིན་ལ། བོད་པའི་བྱིས་སྒྲུངདྲྭ་སྟེགས་ཐོག་བྱིས་སྒྲུང་བདུན་བརྒྱ་ལྷག་ཙམ་ཡོད། དེ་དག་ནི་ཨཱ་ཕྲི་ཀའི་སྐད་རིགས་མང་པོ་ཞིག་དང་། དབྱིན་ཇི། ཕ་རཱན་སི། པོར་ཅུ་གྷལ་བཅས་ཀྱི་སྐད་ཡིག་ནང་དུ་བསྒྱུར་ཡོད་པ་མ་ཟད། བྱིས་སྒྲུང་འདི་དག་སྒྱུར་སྐྲུན་གྱི་ལས་ཀའི་ཆ་ནས་བཤད་པ་ཡིན་ན་འདི་དག་ནི་སྤྱི་དབང་གི་ངོ་བོ་ཅན་ཞིག་ཡིན་པས། བོད་པའི་བྱིས་སྒྲུང་འདི་ནི་བོད་པའི་མང་ཚོགས་ལ་དམིགས་ཏེ་བོད་སྐད་ཡིག་ནང་དུ་སྒྱུར་སྐྲུན་བྱེད་རྒྱུར་སྟབས་བདེ་ལ། ས་ཡིཌ་དང་ ཨཱ་ཕྲི་ཀའི་བྱིས་སྒྲུང་ ་ཚོགས་པ་ནས་བྱིས་སྒྲུང་འདི་དག་རིན་མེད་སྤྱི་སྤྱོད་ཡོང་བའི་ངོ་བོ་ཅན་ཞིག་སྤྲུན་པར་བཀའ་དྲིན་ཆེ་ཞུ།

སྒྲུང་དང་སྐད་རིགས་བདམས།

ཨཱ་ཕྲི་ཀའི་བྱིས་སྒྲུང་་ཞེས་པའི་དྲྭ་སྟེགས་སྒང་གི་སྒྲུང་ཐུང་བརྒྱ་ཕྲག་ཁ་ཤས་ཡོད་པའི་ནང་ནས་འདི་གར་བྱིས་སྒྲུང་རིང་ཐུང་མི་འདྲ་བ་བཞི་བཅུ་བདམས་ཡོད། དེའི་སྐབས་སུ་སྒྲུང་གི་ཁྱད་ཆོས་གང་འདྲ་ཞིག་ལ་བསམ་གཞིགས་བྱས་ཡོད་ཞེ་ན། སྒྲུང་གི་འབྱུང་ཁུངས་ཨཱ་ཕྲི་ཀཱའི་རིག་གཞུང་གི་ངོ་བོ་མཚོན་པ་མ་ཟད། སྤྱིར་འཛམ་གླིང་ཡོངས་ཀྱི་རིག་གཞུང་དང་གོམ་སྲོལ་གྱི་ངོ་བོའང་མཚོན་ཐུབ་མཁན་ཁག་ཅིག་བདམས་ཡོད། དཔེར་ན། སྒྲུང་ཁག་ཅིག་ནི་ས་གནས་སུ་ཡོད་པའི་སེམས་ཅན་དང་འབྲེལ་བའི་སྒྲུང་གཏམ་དང་། དེང་སྐབས་གྲོང་ཁྱེར་གྱི་འཚོ་བ་ལ་སྦྱར་བའི་སྒྲུང་ཀྱང་ཡོད། སྒྲུང་ཁག་ཅིག་གི་བསླབ་བྱ་གཙོ་བོ་ནི་རང་ངོས་ནས་འོས་འགན་དང་ལེན་བྱ་རྒྱུ་དང་ཕོ་མོ་གཉིས་ཀྱི་དབར་གྱི་ཐོབ་ཐང་འདྲ་མཉམ་གྱི་སྐོར་ཡིན། ཁག་གཞན་ཞིག་ནི་དགོད་བྲོ་བའི་རང་བཞིན་ཅན་ཡིན། ཁྱད་ཆོས་འདི་ལྟ་བུ་ལྡན་པའི་བྱིས་སྒྲུང་བཀླགས་ནས་[]་ཀྱི་བྱིས་པ་དག་གི་སེམས་པར་དགའ་སྤྲོ་དང་བློ་སྐྱེད་ཡོང་པའི་རེ་འདུན་ཡོད།

ཐུགས་རྗེ་ལེགས་གསོལ་ཞུ་བ།

བོད་པའི་བྱིས་སྒྲུང ་འདི་ལེགས་འགྲུབ་ཡོང་བ་ལ། ལས་གཞི་འདིར་དང་དུ་བླངས་པའི་སྒོ་ནས་མཉམ་ཞུགས་གནང་མཁན་མང་པོ་ཞིག་གིས་སྐུ་ལས་སྐྱོན་པའི་འབྲས་བཟང་ཡིན། དེའི་ཐད་དུ་བྱིས་སྒྲུང་གི་ཡིག་སྒྱུར་པ་དང་། སྒྲ་ཕབ་པ། ཞུ་དག་མཁན་ལ་སོགས་པའི་ཕྱགས་རོགས་གནང་མཁན་མི་ཉུང་བ་ཞིག་ཡོད།

འདྲ་གཟུགས་འདི་དག་སྤྲུན་མཁན་ནི་FontAwesome་(གྱི་Fontello)་དང་Elegant Circles་གཉིས་ཡིན།